Tuesday, November 13, 2007

ബ്ലോഗ്‌ റീമേക്ക്‌-ബെര്‍ളിയുടെ "ഡോക്ടര്‍ - വിശാലമനസ്കന്‍"

ഡോ- യേസ് കംഇന്‍...

വഷളനും തൊന്ന്യാസിയെ പൊലെ തൊന്നിക്കുന്നവനുമായ രോഗി അകത്തു കടന്നു.

ഡോ-ഇരിക്കൂ...

രോഗി ഇരുന്നു.തന്നെ ആരെങ്കിലും നിരീക്ഷിക്കുന്നുണ്ടോ എന്ന ഭീതിയോടെ

ചുറ്റും നോക്കി.

ഡോ-എന്താ പേര് ?

രോഗി-ഡോക്ടര്‍...

ഡോ-ഓഹോ.. അതാണോ പേര് ?

രോഗി-അതല്ല.. ഡോക്ടര്‍... എന്റെ പേര് ആരോടും പറയരുത്...

ഡോ-നിങ്ങളുടെ പേരെന്തിനാ ഞാന്‍ വല്ലവരോടും പറയുന്നത്... നിങ്ങളാരാ

സുകുമാരക്കുറുപ്പോ ?

രോഗി-കഷ്ടം! ഡോക്ടര്‍ ഒട്ടും അപ്‍ഡേറ്റഡ് അല്ല.. അതുകഴിഞ്ഞെത്രയോ

പിടികിട്ടാപ്പുള്ളികള്‍ കേരളത്തില്‍ വന്നു പോയി.

ഡോ-ഓഹോ..അതില്‍ ഏതു പിടികിട്ടാപ്പുള്ളിയാണ് നിങ്ങള്‍..

രോഗി-ശൊ!ഞാന്‍ പിടികിട്ടാപ്പുള്ളിയല്ല.. സെലബ്രിറ്റിയാ !

ഡോ-സെലബ്രിറ്റിയോ ???? ഹത് കൊള്ളാം !

രോഗി-താങ്ക്സ്‌ ഉണ്ടു കെട്ടോ...!

ഡോ-എന്താ സെലബ്രിറ്റീടെ പേര് ?

രോഗി(വീണ്ടും പരുങ്ങി)-ബെര്‍ളി തോമസ്‌.... !!!

ഡോക്ടര്‍ ഞെട്ടുന്നു. കണ്ണട ഊരി പൊടി തുടച്ച് വീണ്ടും നോക്കി.സംഗതി
ഉറപ്പു വരുത്തിയപ്പൊള്‍ ഡോക്റ്ററുടെ മുഖം ചുവന്നു . ബെര്‍ളിയുടെ മുഖം ഇരുണ്ടു. താന്‍ തികഞ്ഞ രോഗിയാണെന്നു തോന്നിയിട്ടാവാം ഈ ഭാവ മാറ്റം എന്നു ബെര്‍ളി സംശയിച്ചു.

രോഗി-ചികില്‍സയില്ലേ ഡോക്ടര്‍ ? -ആശങ്ക കലര്‍ന്ന ചോദ്യം.

ആരോ നിലത്തിരുന്നു കാലു ചൊറിയുന്നതു പോലെ ഡോക്റ്റരുടെ മുഖം പിന്നെയും
ചുവന്നു. ചുവന്നു ചുവന്നു ഒരു തക്കാളി പോലെ ആയി.


ബെര്‍ളിക്കാണെങ്കില്‍ ആധിയും തുടങ്ങി. ഉള്ളില്‍ തൊന്നിയ ദേഷ്യം ഒതുക്കി ഡോക്ടര്‍ എണീറ്റ്
വന്ന് ബെര്‍ളിയെ നുള്ളി- ദുഷ്ടന്‍! മുന്‍ഷ്യന്മാരെ റീമേക്കിട്ടും പാരടി ഉണ്ടാക്കിയും
ബ്ലോഗിലൂടെ കൊല്ലുമല്ലൊ..ഇപ്പോള്‍ നെരിട്ടു പാരടി പറയുവാന്‍ ഇറങ്ങിയിരിക്കുവാണോ.....എനിക്കു വയ്യേയ്...

ബെര്‍ളിക്കു പേടി കൂടി... തന്നെ അറിയുന്ന, തന്റെ ബ്ലോഗ് വായിക്കുന്ന ഡോക്ടറാണ്.ഇനി അല്‍പ്പം പോലും മയം പ്രതീക്ഷിക്കണ്ട. പരിചയമുള്ള പൊലീസുകാരനണെങ്കില്‍ നാലിടി കൂടുതല്‍ എന്നാണല്ലോ..

ഡോ-പറയൂ..ബെര്‍ളിക്ക്‌ എന്താ പ്രശ്‍നം ?

രോഗി-ഞാനിവിടെ വന്നത് ഡോക്ടര്‍ ആരോടും പറയരുത് ..

ഡോ-ഇല്ല ബെര്‍ളി.. അതോര്‍ത്ത് പേടിക്കേണ്ട..

രോഗി-അയ്യോ.. പേടിയുള്ളതുകൊണ്ടല്ല.. ഡോക്ടര്‍ ഇത് നാലു പേരോടു പറഞ്ഞാല്‍
പിന്നെ എനീക്കിതിനു പാരഡി ബ്ലോഗില്‍ പ്രസിദ്ധീകരിക്കാന്‍ പറ്റില്ല.. അതുകൊണ്ടാ..

ഡോ-അങ്ങനെ.. ശരി,ശരി.. ഇനി പറയൂ എന്താണ് നിങ്ങളുടെ പ്രശ്നം ?

രോഗി-ബ്ലോഗാധിക്യം !!

ഡോക്ടര്‍ കണ്ണ് മിഴിച്ചിരുന്നു-അല്ല അതിപ്പോള്‍ ബ്ലോഗറുടെ എന്തെങ്കിലും പ്രശ്നമായിരിക്കുമല്ലോ...അതിന് എനിക്കെന്തു ചെയ്യാന്‍ പറ്റും ?

ടെക്നിക്കലായിട്ടുള്ള....

രോഗി-നോ ഡോക്ടര്‍..എനിക്ക് മാനസികമായി..

ഡോ-ഓ.. അങ്ങനെ... താങ്കള്‍ പോസ്റ്റുകള്‍ തുരു തുരാ ഇടുന്നു.... എന്നാണ് അവസാനത്തെ പോസ്റ്റ് ഇട്ടത് ?

രോഗി-ഇന്നു കാലത്തു 10 മണിക്ക്‌..

ഡോ-ഇപ്പൊ അതു കഴിഞ്ഞു 20 മിനുട്ടെ ആയുള്ളു അല്ലെ. ഇതിനു മുന്‍പു ഇങ്ങനെ തുരു തുരാ പോസ്റ്റുകള്‍ ഇടാറുണ്ടായിരുന്നൊ??

രോഗി-ഹില്ല..

ഡോ-എന്താണ് പ്രശ്നമായി തോന്നുന്നത് ? പോസ്റ്റ്‌ ഇടുന്നതു കാരണം കൈയ്‌ വേദന ഉണ്ടൊ?

രോഗി-ഇല്ല. അതിനു ഞാന്‍ റ്റൈഗര്‍ ബാം വാങ്ങിച്ചു കമ്പ്യൂട്ടറിനടുത്തു വച്ചിട്ടുണ്ട്‌....

ഡോ-പിന്നെന്തിനു മടിച്ചു നില്‍ക്കണം.. അയിരക്കണക്കിനു വായനക്കാര്‍ കാത്തിരിക്കുമ്പോള്‍ ആശങ്കയെന്തിന് ?

രോഗി-അതാണ് ഡോക്ടര്‍ എന്റെ പ്രശ്നം? എന്തോ ഒരാശങ്ക !

ഡോ-എന്താണ് ആശങ്ക ?

രോഗി-ഈ കഥകളും പാരടികളും റീമേക്കുകലും ഒക്കെ ഇട്ടിട്ടു ഞാന്‍ അവസനം ഒരു "നല്ല" ബ്ലോഗ്‌ എഴുത്തുകാരനായി മാറുമോ എന്ന ആശങ്ക
..

ഡോ-കഷ്ടം ! എന്നിട്ടിപ്പോള്‍ എന്തു ചെയ്യുന്നു ?

രോഗി-എന്തു ചെയ്യാന്‍ . ആശങ്ക അകറ്റാന്‍ മിനിറ്റിനു മിനിറ്റിനു പോസ്റ്റുകള്‍ ഇറക്കുന്നു

ഡോ-ഇപ്പൊള്‍ ഏകദെശം എത്ര പോസ്റ്റുകള്‍ കാണും..?

രോഗി-ഇരുന്നൂറോളം വരും..

ഡോ-ഇനീം കൂടുമായിരിക്കും ?

രോഗി-ങൂം...ഐ അഫ്രൈഡ് ദാറ്റ്...

ഡോ-ച്ചാല്‍ ?

രോഗി-എനിക്കു ഫ്രൈ കഴിക്കാന്‍ നേരായി...

ഡോ-ഈ പോസ്റ്റിടല്‍ നിര്‍ത്താന്‍ ആഗ്രഹമില്ലേ.. ?

രോഗി-ആഗ്രഹമുണ്ട്.. പക്ഷെ, കൈ വിറയ്‍ക്കുന്നു...

ഡോ-വിറയല്‍ മാറാനുള്ള മരുന്ന തരാം...

രോഗി-സംഭ്രമവുമുണ്ട്..

ഡോ-അതിനും തരാം ഒരു പയന്റ്!

രോഗി-ഇതൊരു രോഗമാണോ ഡോക്‍ടര്‍ ?

ഡോ-അങ്ങനെ പറയാന്‍ പറ്റില്ല.. എന്നാലും രോഗത്തിന്റെ ചില ലക്ഷണങ്ങള്‍ പോലെ

തോന്നുന്നു...

രോഗി-എനിക്ക് പേടിയാകുന്നു ഡോക്ടര്‍ ?

ഡോ-എനിക്കും !

രോഗി-ഡോക്ടര്‍ !!!

ഡോ-ഐ മീന്‍... നിങ്ങളുടെ ബ്ലോഗ് വായിക്കാതെ ഞാനെങ്ങനെ...

രോഗി-ഡോക്ടര്‍ എനിക്കൊരു പരിഹാരം നിര്‍ദേശിക്കണം...

ഡോ-ടു വണ്‍ തിങ്..

രോഗി-ടുവാം.

ഡോ-നിങ്ങളുടെ ബ്ലോഗ് പാട്ടത്തിനു കൊടുക്കുക...

രോഗി-പാട്ടത്തിനോ ?

ഡോ-അതെ...ഒന്നോ രണ്ടോ മാസത്തിന് പാട്ടത്തിന് കൊടുക്കുക..."നല്ല" കഥകള്‍
എഴുതാനറിയാവുന്ന ആളുകള്‍ക്ക്...നല്ല കാശ് തരാന്‍ ആളുകളുണ്ടാവും.."നല്ല"
കഥകളെഴുതാനും.. ബെര്‍ളിത്തരങ്ങളില്‍ എഴുതാന്‍ കഴിയുന്നത് മഹാഭാഗ്യമായി കരുതുന്ന എത്ര പേരുണ്ടാവും. അവരിലാരെങ്കിലും പാട്ടത്തിനെടുത്ത് എഴുതട്ടെ...ബ്ലോഗ് സജീവമായി നില്‍ക്കട്ടെ...

രോഗി-എന്നിട്ട് ?

ഡോ-രണ്ട് മാസം കൊണ്ട് നിങ്ങളുടെ വായനക്കാരെ മുഴുവനും പാട്ടക്കാരന്‍ വേറൊരു ലോകത്തില്‍ കൊണ്ടെത്തിക്കും.നിങ്ങളുടെ പൊസ്റ്റുകള്‍ മൊത്തം ഉദാത്തമായ കമ്മന്റുകള്‍ കൊണ്ടു നിറയും. നിങ്ങളാണു ബൂലോകത്തിലെ എറ്റവും സല്‍സ്വഭാവിയായ എഴുത്തുകാരന്‍ എന്ന്‌ ലോകം വാഴ്ത്തും !

രോഗി-എന്നിട്ട് ?

ഡോ-ഈ രണ്ട് മാസം കൊണ്ട്പാട്ടക്കാരന്‍ "നല്ല നല്ല" പോസ്റ്റുകള്‍ ഇട്ടു ബൂലോകത്തെ കയ്യിലെടുത്തു കാണും . ആ സമയം നോക്കി നിങ്ങള്‍ നാലഞ്ചു ചവറു പോസ്റ്റുകള്‍ ഇടുക..പിന്നെ നിങ്ങള്‍ക്കു ഈ ജന്മത്തു "നല്ല" ബ്ലോഗുകാരനാകാന്‍ പറ്റില്ല. ആകാന്‍ ബൂലോകം സമ്മതിക്കില്ലല്ലോ.അവിടെ സംഗതി വിജയിക്കും !

രോഗി-ഹൊ! ഭയങ്കര ബുദ്ധി ആണു കേട്ടോ..!

ഡോ-താങ്ക്യു,താങ്ക്യു.. ഇതൊക്കെ ചില പൊടിക്കൈകള്‍ മാത്രം..

രോഗി-എങ്ങനെ ഇത്ര മൈന്യൂട്ട് ആയ കാര്യങ്ങള്‍ വരെ അറിഞ്ഞിരിക്കുന്നു...

ഡോ-ഹിഹിഹി.. ഞാനും പണ്ടൊരു ബ്ലോഗറായിരുന്നു...ഇതേ രോഗം വന്ന് ഐ മീന്‍...
ബ്ലോഗാധിക്യം ...ബ്ലോഗിങ് നിര്‍ത്തി വ്യാജ ഡോക്ടറായതാ.. പക്ഷേ ഇടക്കിടക്കു ഓരോരുത്തമാര്‍ ചൊറിഞ്ഞു കയറ്റി പിന്നെയും പോസ്റ്റിടുവിപ്പിക്കും..ഹിഹിഹി..

രോഗി-എന്താണ്‌ ബ്ലോഗിന്റെ പേര് ?

ഡോ-അത് ഞാന്‍ പറയുകേല !

രോഗി-ശൊ!എവിടെ നാട് ?

ഡോ-ആരോടും പറയരുത് !

രോഗി-ശെ.. ഞാനാരോട് പറയാനാ..

ഡോ-ബ്ലോഗിലും ഇടരുത് ..

രോഗി-ഇല്ലെന്നേ...നാടെവിടെയാണെന്നു പറ...

ഡോക്ടര്‍ ചുറ്റുപാടും നോക്കിയിട്ട് പതിഞ്ഞ ശബ്ദത്തില്‍- ഭരണങ്ങാനം !!

11 comments:

സുമുഖന്‍ said...

എന്ത്‌.. ബെര്‍ളിയുടെ പോസ്റ്റിനും റീമെക്കോ??!!

Anonymous said...

ഹൊ!സമ്മതിച്ചു.. ഇത്ര ഗംഭീരമായി ഇതുവര പണികിട്ടിയിട്ടില്ല...!

റീമേക്കിനൊരു റീമേക്ക് അല്ലേ ? കൊള്ളാം.. അഭിനന്ദനങ്ങള്‍ !

കുട്ടിച്ചാത്തന്‍ said...

ചാത്തനേറ്: കലക്കി. അപ്പോള്‍ സുനീഷ് ഡോക്ടറായി!!! അതാ ഇവിടൊന്നും കാണാത്തത്!

സുല്‍ |Sul said...

അച്ചനെ കുര്‍ബാന :)
-സുല്‍

krish | കൃഷ് said...

സുമുഖാ.. കലക്കി.

(ഇനി അടുത്തത് ബെര്‍ളിയുടെ വഹ സുമുഖന്റെ സു-മുഖമിട്ട് ഒരു അലക്കായിരിക്കുമല്ലോ.)

അരുണ്‍കുമാര്‍ | Arunkumar said...

awesome....
keep it up:)

Sherlock said...

അപ്പൊ കടുവേനേ കിടുവ പിടിച്ചൂന്ന് സാരം :)

ഏ.ആര്‍. നജീം said...

ഹഹാ..കൊടുത്താ കൊല്ലത്തും കിട്ടുമെന്ന് കേട്ടിട്ടുണ്ട് ബ്ലോഗിലും കിട്ടും എന്ന് ഇപ്പ മനസിലായി..

ഇതിനിടെ പാവം ഭരണങ്ങാനം.... :)

Mr. K# said...

:-)

അങ്കിള്‍ said...

:)

സാക്ഷരന്‍ said...

കൊള്ളാം ഒരാധുനീക ബ്ലോകാങ്ക നാടകം …

“അടുത്ത ബെല്ലോടുകൂടി നാടകം ആരംഭിക്കുകയാണ്…”